چیئرمین مدینۃ العلم کا قرطبہ
سائٹ کا دورہ
اور ترقیاتی کاموں کا جائزہ
چیئرمین مدینۃ العلم، جناب لیاقت بلوچ صاحب نے سی ای او قدم/HSSR، جناب ملک ارشد حسین صاحب، اور ڈائریکٹر ایچ ایس ایس آر/قدم، جناب عابد حسین صاحب کے ہمراہ پراجیکٹ سائٹ کا دورہ کیا۔
منگل کے روز ہونے والے اس دورے کا مقصد قرطبہ سٹی میں جاری ترقیاتی کاموں کا جائزہ لینا اور پروجیکٹ کی تازہ ترین آن گراؤنڈ صورتحال کو دیکھنا تھا۔ اس موقع پر انہیں مختلف بلاکس میں ہونے والی پیشرفت کے حوالے سے بریفنگ دی گئی
جناب لیاقت بلوچ صاحب نے بلاک ای، ایف اور بلاک ایل میں بنیادی ترقیاتی کاموں کی تکمیل کا جائزہ لیا اور کام کے معیار پر اطمینان کا اظہار کیا۔ مزید براں، انہوں نے بلاک ایم اور بلاک وائے میں جاری ترقیاتی کاموں کا بھی معائنہ کیا، جس میں سڑکوں کی تعمیر، سیوریج کا نظام، اور دیگر انفراسٹرکچر کی تیاری شامل ہے۔
دورے کے دوران جناب لیاقت بلوچ صاحب نے سائٹ پر موجود عملے سے ملاقاتیں بھی کیں اور ان کی حوصلہ افزائی کی۔ انہوں نے ہدایت کی کہ پروجیکٹ کو جلد از جلد بہترین معیار کے ساتھ مکمل کیا جائے تاکہ رہائشیوں کو جلد از جلد بہترین سہولیات میسر آئیں۔ اس دورے نے سائٹ عملے کو مزید حوصلہ دیا اور ترقیاتی کاموں کی رفتار کو مزید تیز کرنے کا عزم دہرایا گیا۔
مزید معلومات و رہنمائی کے لیے ہمارے سوشل میڈیا پیجز کو فالو کیجئے اور ہمارے رابطہ نمبرز پر رابطہ کیجیے۔
