ہم مکمل صحت پر یقین رکھتے ہیں!
350 کنال پر پھیلے الخدمت میڈیکل سٹی‘ کا مقصد انتہائی مناسب فیس کیساتھ علاج معالجہ کی معیاری سہولیات تک رسائی ہے۔ جدید ترین ٹیکنالوجی اور طبی سہولیات سے آراستہ "الخدمت میڈیکل سٹی” جڑواں شہروں کے باسیوں کو صحت کی سہولیات کا جدید ترین اور کم خرچ مرکز ثابت ہوگا۔
الخدمت میڈیکل سٹی میں ، علاج معالجہ کی جدید ترین سہولیات کیساتھ صحت کے شعبہ میں جدید ترین تحقیق پر بھی خصوصی توجہ دی جائے گی، اور اسے قرطبہ انٹرنیشنل یونیورسٹی کے میڈیکل شعبہ میں زیر تعلیم طلبہ و طالبات کے لیے ٹیچنگ ہسپتال، ہاؤس جاب کی سہولت فراہم کرنے والے ادارے کے طور پر بھی فعال رکھا جائے گا۔
الخدمت میڈیکل سٹی کے علاوہ مختلف سیکٹرز میں کلینکس، ہیلتھ یونٹس کا قیام بھی ہمارے پبلک ہیلتھ پلان کا حصہ ہے۔ کسی بھی ہنگامی صورت حال میں، رہائشیوں کی سہولت کے لیے چوبیس گھنٹے ایمبولینس سروس کی دستیابی یقینی بنانا اور مریضوں کو دن رات بروقت طبی امداد فراہم کرنا ترجیح ہے۔