قرطبہ سٹی میں شجرکاری مہم – سبز اور خوشحال مستقبل کی جانب ایک قدم
موسم بہار کی آمد کے ساتھ ہی قرطبہ سٹی میں شجرکاری مہم کا آغاز کر دیا گیا ہے، جس کا مقصد قدرتی حسن میں اضافہ اور ماحولیاتی بہتری ہے۔ اس مہم کے دوران سینکڑوں پودے لگائے جا رہے ہیں، تاکہ پراجیکٹ کو مزید سرسبز اور خوشگوار بنایا جا سکے۔
یہ شجرکاری نہ صرف ماحولیاتی آلودگی کے خاتمے میں مددگار ثابت ہوگی بلکہ یہ آنے والی نسلوں کے لیے ایک بہتر اور صحت مند ماحول کی فراہمی کا ذریعہ بھی بنے گی۔ اس مہم میں رہائشیوں کو بھی شرکت کی دعوت دی جا رہی ہے تاکہ وہ بھی اپنے ارد گرد کو سرسبز بنانے میں اپنا کردار ادا کریں۔
درختوں کی موجودگی شہروں کو ٹھنڈا رکھنے، آکسیجن کی مقدار بڑھانے اور گلوبل وارمنگ کے اثرات کم کرنے میں اہم کردار ادا کرتی ہے۔ قرطبہ سٹی انتظامیہ کا عزم ہے کہ آئندہ بھی شجرکاری مہمات کو جاری رکھا جائے گا تاکہ یہ شہر ایک ماڈل گرین سوسائٹی کے طور پر ابھر سکے۔
